Nokkrar spurningar um 15 þúsund tonna sjókvíaeldi í Fáskrúðsfirði

Nokkrar spurningar um 15 þúsund tonna sjókvíaeldi í Fáskrúðsfirði

Vita menn að undan leirunum í botni Fáskrúðsfjarðar er hrygningarsvæði þorsks, -hafa áhrif umfangsmikils fiskeldis verið könnuð hvað það varðar?

Á vefsvæði Landsambands fiskeldisstöðva segir: í fyrirsögn pistils frá sept 17. 2017 “Fiskeldið mun skapa þúsundum manna afkomu.” og í framhaldinu segir: “Um fjögur þúsund íbúar munu hafa afkomu af fiskeldi og afleiddum störfum þegar það verður komið upp í þau 71 þúsund tonn sem áhættumat Hafrannsóknastofnunar gerir ráð fyrir.”

Sé gengið út frá 71 þúsund tonna viðmiði og 4 þúsund störfum, þá lætur nærri að 850 manns muni hafa afkomu af 15 þúsund tonna fiskeldi í Fáskrúðsfirði.

Hvaðan kemur vinnuaflið?

Í Fáskrúðsfirði búa 745 manns í ársbyrjun 2017. Atvinnuleysi er lítið sem ekkert og telja má hæpið að heimamenn vegi þungt við mönnun fiskeldis á staðnum.

Þá er spurning um aðstöðu starfsfólks, hvar er því ætlað að búa? Verður reist gámabyggð í firðinum eða byggðar nýjar íbúðir? Hér er lítið um laust húsnæði, engar byggingaframkvæmdir í bígerð eftir því sem næst verður komist. Hér er reyndar uppsteyptur grunnur undir 8 íbúða raðhús, sem er búinn að vera í hirðuleysi frá því árunum fyrir hrun.

Hvað með skólp frá 745 manna byggð Fáskrúðsfjarðar?

Hvergi í umræðunni hef ég séð minnst á klóak frá byggð og hreinsun þess. Skólplagnir hér sem og víða annars staðar ná nokkra metra út fyrir stórstraums fjöru. – Er slíkt fyrirkomulag ásættanlegt fyrir metnaðarfullt fiskeldi?


Tengdar greinar

Hestamenn ánægðir með framtakið

Hann Björgvin hjá áhaldahúsinu varð vel við bón hestamanna þess efnis að lagfæra gatnamót vegarins niður að hesthúsahverfinu. Vegaspottinn er

Fría bókhaldsforritið Manager…..

..sem við hjá Aust.is höfum dundað okkur við að þýða yfir á íslensku, hefur verið þýtt að fullu yfir á;

Landsmenn rændir með reikningskúnstum

Í Bændablaðinu þann 1. júní sl. segir Hörður Kristjánsson: „Það er afar áhugavert að fylgjast með tölum Seðlabanka Íslands um

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

<

This site uses Akismet to reduce spam. Learn how your comment data is processed.