Nýjasta nýtt

  • No posts were found

Númerastimpillinn var að koma í hús

Númerastimpillinn var að koma í hús

Numbering MachineÞegar búið var að kanna málið, kom í ljós að númerastimpill var ódýrastur, (að teknu tilliti til flutningskostnaðar á milli landshluta), á Ebay. – Frír flutningur í heimapósthús, fylgdi með í kaupum.

Stimpill þessi er forláta græja, með hlaupandi númerum og hægt að biðja hann um að stimpla allt að 6 eintök með sama númeri áður en hann færist sjálfkrafa yfir á það næsta.

Ég, eins og svo margir aðrir íslendingar, las leiðarvísirinn eftir á, en þá var það of seint. Stimpilblek fylgdi með í pakkningunni og þurfti að koma því í stimpilpúðann. Ég skrúfaði lokið af brúsanum, hallaði honum yfir púðann og kreisti. Ekkert blek, skoðaði endan á honum og sýndist þurfa að gata hann. Það var gert og haldið áfram að kreista. Smá dropi kom, kreisti meira. Og þá gerðist það að endinn sem ég hafði gatað lítillega, fór af með miklu afli og blekið spýttist í allar áttir, á borðskenkinn, efri skápana, gluggatjöldin, skyrtuna sem ég var í, andlitið, hendurnar, gólfið og auðvitað á stimpilpúðann líka, hann var löðrandi í kolsvörtu, hágæða stimpilbleki.

All nokkru seinna, og svolítið um seinan, tók ég eftir að stimpilblek hafði lent á gólfinu. Fótspor voru komin um allt hús. – Þegar ég svo klukkutíma seinna, eftir sápuþvott á nánast öllu innanhúss og eftir að hafa ræst þvottavélina, gafst tími til að lesa leiðarvísirinn. Sá ég að blekhylkið samanstóð af tveim töppum, ytri og svo innri öryggistappa, en sá síðarnefndi hafði skotist af við átökin.

Það sem ég vil koma á framfæri er, að alltaf skuli lesa leiðarvísir með nýjum tækjum, hversu einföld sem þau líta út fyrir að vera.


Tengdar greinar

Raðhúsin við Skólaveg 98-112 Fáskrúðsfirði verða komin upp fyrir haustið

Samkvæmt heimildum mun vera kominn alvöru skriður á málin og munu öll húsin verði komin upp fyrir haustið samningar hafa

Undirskriftir farnar að nálgast 40 þúsund

Enn má skrifa undir áskorun á forseta Íslands. Í áskorun segir: “Við undirrituð skorum á forseta Íslands að vísa í

Katla Hólm Þórhildardóttir, Pírati – Ræðir um Fátækt og jaðarsetningu

„Virðulegur forseti. Ég reyni almennt að gerast ekki persónuleg í stjórnmálum en það er nú einu sinni þannig að hið

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.