Ný flugáætlun Egilsstaðir – London

Ný flugáætlun Egilsstaðir – London

Ég hef gjarnan velt fyrir mér af hverju ekki er beint flug frá Egilsstöðum til London og eins borga í Evrópu. – Frábær flugvöllur á Egilsstöðum og styttra að fljúga. Dæmi: Flugleiðin Færeyjar – Egilsstaðir eru tæpir 700 kílómetrar, sé ferðalaginu haldið áfram til Reykjavíkur, lengist ferðin um tæpa 400 kílómetra. Þannig sést að bjóða mætti hagstæðari fargjöld til og frá landinu ef fjarlægðir eru hafðar í huga.

Það var svo í sumar að góðir menn sáu ljósið og fóru af stað með að bjóða austfirðingum að fljúga beint frá Egilsstöðum til London annars vegar, og hins vegar að bjóða þarlendum að fljúga hingað til okkar og njóta stórbrotinnar náttúru austurlands.

Því miður virðist sem flugfélagið Flyeurope, og þeir sem að því standa, ætli að verðleggja sig útaf markaði í fyrstu atrennu. Fljótt á litið virðist sem flugpakkinn hafi verið Excelvæddur á þeim forsendum að það kosti þig helling, austfirðinginn að ferðast með bíl, eða flugi til Keflavíkur til að fara til London og svo aftur sömu leið til baka.

Það er sorglegt að sjá svo vonlausa og fyrirfram glataða hugmyndafræði, -og vonandi sjá austfirðingar ljósið og hafna því að allt þurfi að vera dýrara fyrir okkur sem búum hér á landsbyggðinni.

Lausleg könnun á verðum í maí-júní:

Egilsstaðir – London með Flyeurope, fram og til baka kr. 74.000 þúsund á mann.
Keflavík – London með Wowair, fram og til baka kr. 29.997 þúsund á mann.
Allir skattar – 5 kg. handfarangur ásamt 20 kg. tösku pr. mann, er innifalið í ofangreindum verðum.

-Ert þú lesandi góður reiðubúinn til að greiða allt að 150 prósentum meira fyrir að fljúga frá Egilsstöðum?


Tengdar greinar

Góð og slæm stjórnun

Lífið er alveg bærilegt frá degi til dags, eða allt þar til alþingi íslendinga kemur saman. Á hverju hausti gera

Innanlandsflug sem almenningssamgöngur – Fróðleikur

Samstarfshópur atvinnuþróunarfélaga og Byggðastofnunar um innanlandsflug tók saman svör við spurningum sem hópurinn fékk í tengslum við skosku leiðina. –

Sirkusinn mættur á Austurvöll

Það er alltaf gaman þegar hann mætir í miðbæinn með sitt árlega húllumhæ. Sumir fatta ekki grínið, halda að plottið

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.