Ofurskattar á bifreiðaeigendur

19 des, 2018

Prenta grein Leturstærð -16+

Jón Gunnarsson, Sjálfstæðisflokki – Vill innleiðingu ofurskatta á bifreiðaeigendur

Aðgerðaráætlun um fáránlega ofur skattheimtu á bifreiðaeigendur er að fara af stað um þessar mundir. Sigurður Ingi Jóhannsson, samgönguráðherra segir aðgerðina einungis vera spurningu um „Hvort menn hafi kjark og þor.“ – Kjarkur og þor samgönguráðherra fellst í því að bifreiðaeigendum, sem hafa greitt á þessu ári 80 milljarða í bifreiðatengd gjöld, verði boðið upp á að vera skattlagðir fyrir að aka á milli bæjarhluta, í gegnum jarðgöng og út eftir stofnleiðum, svo sem fari eigandi bifreiðar í átt til Selfoss eða til Akraness, skuli viðkomandi vera skattaður fyrir afnot af stofnleiðinni norður-, og að auki skuli viðkomandi greiða fyrir akstur í gegnum Hvalfjarðargöng. Þetta eru smáaurar, að sögn gírugra ráðamanna, svona 150-450 krónur. -GJALD, sem auðvitað hækkar snarlega eftir að búið er að koma þessum auka sköttum ofan í kokið á landsmönnum.

Sigurður Ingi Jóhannsson, samgönguráðherra – Kjarkur og þor ráðherra er með ólíkindum.

Í Fjarðabyggð mætti skattleggja tvenn jarðgöng

Íbúi syðsta bæjarkjarnans, sem er Breiðdalsvík þarf að heimsækja einu byggingavöruverslunina í Fjarðabyggð, en hún er staðsett á Norðfirði. – Hann leggur upp í 200 kílómetra ferð og þarf að borga sig í gegnum tvenn jarðgöng.