Pálína Vagnsdóttir um óviðunandi aðbúnað eldri borgara

Pálína Vagnsdóttir um óviðunandi aðbúnað eldri borgara

Ég grét í vinnunni í dag með ókunnum manni, öldungi. Ég skammast mín fyrir hvernig þjóðfélagi við búum í, að við skulum ekki búa öldruðum áhyggjulaust ævikvöld. Maðurinn er fæddur 1937, 81 árs að aldri. Konan hans á sama aldri er búin að vera mikið veik í nokkur ár, heilablóðfall, krabbamein, hefur dottið og brotið bein. Hún er nýkomin heim af spítala. Það er enga hjálp að fá fyrir þennan yndislega öldung, fyrir konuna hans. Hann var að velja fótskemil svo það færi betur um konuna hans. Við tókum spjall. Svo brotnaði hann niður. Hann var útkeyrður á sál og líkama. Ég tók utan um hann og við grétum saman. Hann grét með ekka. Það er ekkert í boði, engin hvíldarinnlögn, engin lausn í þjónustu heim til þeirra hjóna, engin lausn að hlúa að sóma hjónanna á þessum aldri. Af hverju í ósköpunum er þetta svona. Af hverju er ekki séð um fólkið sem byggði þetta land með sómasamlegum hætti. Af hverju er ekki farið inn á heimili og svona mál sett í þann farveg að sómi sé að fyrir alsnægtarþjóð. Það er skömm af þessu. Hann sagði mér að hann væri ekki sá eini. Það væri svo margir í sömu stöðu og hann. Hann á 95 ára bróður sem missti konu sína fyrir fjórum árum, hann býr einn og fær enga aðstoð, engar lausnir. Ísland þetta gengur ekki. Búum öldungum áhyggjulaust ævikvöld. Borðum minni humar, lokum sendiráðum, sleppum víni í opinberum veislum. Eigum minna fyrir okkur og meira fyrir þá sem okkur ólu. Ég vil ekki búa í svona þjóðfélagi. Ég vil ekki eldast í svona þjóðfélagi. #meirafyrirþauminnafyrirokkursjálf #sameinumkraftaokkar #berumvirðingufyrirfólkinusembyggðiþettaland Myndin er fengin að láni af alnetinu.”

Ég er búin að breyta þessu í Public þannig að ykkur er hjartanlega velkomið að deila. Segir Pálína.

Innlegg Pálínu hér fyrir neðan:


Tengdar greinar

Sameining Breiðdalsvíkur og Fjarðabyggðar í kortunum

Á fundi bæjarráðs Fjarðabyggðar sem haldinn var þann 23. október sl. Kom fram erindi frá Breiðdalshrepp um sameiningu við Fjarðabyggð.

Pólitísk rétthugsun

Haft var eftir einum af bankastjórum hrunsins, að hann hefði ekki séð neitt rangt við ákvarðanir sínar. Hann leit ekki

Helgarferð 26-29 okt. frá Egilsstöðum til Prag á hagstæðu verði

Ferðaskrifstofan Fatravel á Egilsstöðum er að bjóða beint flug frá Egilsstöðum til Prag og aftur til baka fyrir 39.900 krónur.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.