Pólitískur veruleiki Steingríms J. Sigfússonar
Steingrímur J. Sigfússon forseti Alþingis, er meira en lítið gáttaður á Pírötum að vilja ekki mæta á þar til gerðan, 60 – 100 milljón króna sérsmíðaðan Alþingispall á Þingvöllum og hlýða á ræðu Piu Kjærsgaard, forseta danska Þjóðþingsins og snæða síðan með henni kvöldverð í tilefni aldarafmælis fullveldis Íslands.
„Hún er ekki boðin hingað sem einstaklingur eða stjórnmálamaður og þaðan af síður vegna skoðana sinna. Hún er forseti danska þingsins og er hérna í krafti embættis síns,“ er haft eftir Steingrími J. Sigfússyni, forseta Alþingis í Mbl.is í gær 18. júlí.
Samkvæmt skilgreiningu Steingríms J., -er viðkomandi Pia Kjærsgaard þannig samansett: 1) Einstaklingur, 2) Stjórnmálamaður, 3) Manneskja með skoðanir, og 4) Embættismaður, sem varðar lítið eða ekkert um hina þætti sjálfs síns.
Spurning hvort framgöngu Steingríms J. Sigfússonar og Vinstri grænna í pólitík megi skýra með sama hætti, þ.e. í atkvæðaleit megi lofa kjósendum öllu fögru og svíkja þá jafnharðan eftir kosningar, þar sem viðkomandi sem forseti Alþingis og/eða forsætisráðherra er annars „eðlis“ eftir kosningar?
Tengdar greinar
Bjarni Benediktsson fer með ósannindum gegn fátækum eldri borgurum
Bjarni Benediktsson sagði í ræðustól alþingis í dag 14. nóvember, að kaupmáttur eldri borgarar hafi hækkað mest allra á undanförnum
Þriðja Kjörbúðin opnar í Fjarðabyggð
Föstudaginn 10. febrúar sl. opnaði Kjörbúð í Neskaupstað. Þar áður hafði Kjörbúð verið opnuð í Fáskrúðsfirði og önnur í Eskifirði.
Ríkissjóðsbekkurinn – Ný fjáröflunarleið fyrir hið opinbera
Nú þegar þingið fer að koma saman og ákveða viðbótaálögur á landsmenn, er ekki úr vegi að benda þeim Kötu
