Róið á rétt mið – Allt þarf að borga sig

Róið á rétt mið – Allt þarf að borga sig

Á sama tíma og hvatt er til hógværðar í komandi kjarasamningum, eru aðrir að auka álögur á vöru og þjónustu, enn aðrir eru að rýra þjónustu eða skipta henni upp í nýjar einingar og innheimta síðan tvöfalt. – Dæmi um þetta er þegar rafveiturnar tóku uppá að innheimta sérstaklega fyrir flutning á rafmagni. – Ég yrði ekki hissa, ef einn daginn væri komið sérstakt slöngugjald hjá bensínstöðvunum. Þannig myndi viðskiptavininum vera gert að greiða sérstaklega fyrir bensínið og síðan þyrfti hann að greiða fyrir afnot af slöngunni sem flytti bensínið yfir á bílinn.

Öll þjónusta er spurning um krónur og aura

Þrátt fyrir greiðslu holræsagjalds er varasamt að leita ráða hjá áhaldahúsi bæjarfélagsins ef þessi sömu holræsi eru til vandræða. Búast má við svimandi háum reikningi fyrir neðanjarðar myndatökur og fleira sem þriðji aðili fæst við í boði hússins.

Trillukarl sem veiðir sér í soðið til búdrýginda fær feitan reikning fyrir bryggjuaðstöðu. Honum er gert að greiða margfalt það sem hann hyggst spara með því að dorga einn og einn fisk úr sjó. Gjöld hans eru þau sömu og hjá þeim sem hefur fulla atvinnu af veiðum.

Þjónusta á undanhaldi

Apótekið er farið – Ekki var gróðavænlegt að hokra hér á staðnum.

Bankinn farinn í hagræðingarskyni.

Læknavaktin í niðurskurði. Farin.

Pósthúsið farið, takmarkaða lágmarksþjónustu má fá hjá Sparkaupum hér á staðnum.

Byggingavörufyrirtækið lagði upp laupana. Gat ekki keppt við þá “stóru” í nærliggjandi firði.

Bæjarfélagið innheimtir hámarks leyfilega útsvarsprósentu á næsta ári, þrátt fyrir minni þjónustu við jaðarsvæði Fjarðabyggðar.


Tengdar greinar

Larfajakkaföt og hringibuxur – Hausttískan fyrir nokkrum árum

Við strákarnir í fjölskyldunni skruppum á útsölur hér um árið. Farið var í verslun við Faxafen í Reykjavík og þar

Opnanlegur fæðukassi fyrir hænurnar

Frábær hugmynd fyrir þá sem rækta hænur og vilja ná fram hagræðingu í fóðurgjöfinni. Svo er hér sambærileg hugmynd úr

Viðskiptanetið að geispa golunni?

Viðskiptanetið barter.is virðist haldið uppdráttarsýki eða hrörnunarsjúkdómi, sem hægt og bítandi er að draga fyrirtækið til dauða. Í dag virðist

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.