Samið í verkfalli, -og hvað svo?

Samið í verkfalli, -og hvað svo?

Iceland_500_Kronur_banknote_of_1928Blekið í undirskriftum viðsemjenda verður vart þornað á pappírum þegar skriða verðhækkanna fer af stað með þeim afleiðingum að nokkrum vikum eða mánuðum seinna, stendur fólk í sömu sporum og fyrir verkföll. Launin, jú, hækkuðu, en dagleg útgjöld einnig, og svo ríflega að launin urðu jafn slöpp og áður.

Krónan er drusluverk, hún er verkfæri óbilgjarnra ráðamanna og fjármálaafla til að hafa verðmæti af hrekklausu fólki. – Árangursríkur kjarasamningur veitir skammgóðan vermir, því á næsta augnarbliki er afleiðum hans hleypt út í verðlagið.

Dæmi: Kaupmaðurinn samþykkti hækkuð laun starfsmanna sinna, á móti hækkar hann verðið á vörunum í versluninni. Hinir kaupmennirnir gera hið sama og ríkið bætir um betur og hækkar gjöld og skatta.

Launahækkununum er þar með hleypt út í verðlagið með þeim afleiðingum að vísitala framfærslukostnaðar hækkar. Fleiri krónur þarf til að standa undir útgjöldum heimilisins. Gengið hefur sigið og verðryggða lánið sem stóð í 12 milljónum fyrir nokkrum mánuðum, er komið í ríflega 13 uppreiknaðar milljónir.

Launþeginn fær skellinn, hækkuð framfærsla, hækkuð húsnæðis- og námslán. – Ríkisstjórn og atvinnurekendur segja heimtufrekju launþega um að kenna.

Það eina sem tryggt gæti árangur launþega í kjarasamningum er að vísitölubinda laun, sbr. lán. – Setji launagreiðendur afleiður kjarasamninga út í verðlagið, mælist það sem forsenda launaleiðréttingar næsta mánuð á eftir.


Tengdar greinar

Hestamenn og áhugafólk um hestamennsku í Fáskrúðsfirði skora á Fjarðabyggð

Hestamenn og áhugafólk um hestamennsku í Fáskrúðsfirði hafa sent Fjarðabyggð áskorunarlista með 90 nöfnum, þar sem skorað er á bæjaryfirvöld

Sól í Fáskrúðsfirði

Í dag njótum við sólar í Fáskrúðsfirði. Hún er að láta sjá sig eftir að hafa verið neðan fjallgarða i

Myndin góða – Mannauðsvæðing í hnotskurn

Vel á minnst, þegar talað er um slaka framleiðni í þjóðfélaginu, verður mér hugsað til myndarinnar góðu. Myndin þarfnast ekki

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.