Samkvæmisleikir fyrir pólitíkusa og annað áhugafólk um leikaraskap

Samkvæmisleikir fyrir pólitíkusa og annað áhugafólk um leikaraskap

Störukeppni

Störu- pissu og ullukeppnir eru að verða algengar í pólitík og teljast þær góð afþreying þegar málefnum hefur verið frestað svo oft og mikið að almenn leiðindi blasa við á staðnum. Hér verður farið yfir nokkra af vinsælustu leikjunum í dag.

Að gefa langt nef:
Pólitíkus leggur sig í líma við að hunsa kjósanda sinn. Í þessum leik má stinga saman nefjum og stökkva upp á nef sér. – Ekki er ætlast til að óviðkomandi reki inn nefið. Báðir aðilar þurfa að hafa bein í nefinu og ekki sakar að hafa munninn fyrir neðan nefið. – Leikur fyrir bæði kyn.

Ullukeppni:
Þessi keppni er erfið, en hún vekur oft mikla kátínu meðal viðstaddra þegar vel tekst til. Reglur eru þær að keppendur skulu nota tunguna sem grunnverkfæri. Tveir pólitíkusar, sem þurfa að vera í hæfilegri fjarlægð hvor frá öðrum, horfast í augu og reka út úr sér tunguna hvor framan í annan. Gæta þarf að fjarlægð, varast skal að sleikja andstæðinginn. – Sá vinnur sem lengur ullar.

Störukeppni:
pólitíkus starir á annan pólitíkus þar til annar hvor gefst upp og lítur undan. Þá hefur sá unnið keppnina sem starir áfram. – Það að hætta störun og ulla á andstæðinginn er vítavert brot á reglum keppninnar. – Keppni fyrir bæði kyn.

Pissukeppni:
Tveir pólitíkusar stilla sér upp fyrir framan vegg og keppa í því hvor þeirra geti pissað lengra upp eftir veggnum. Sá vinnur sem dregur lengra. – Ekki kvennagrein.


Tengdar greinar

Heimabankinn okkar – Loðnar innheimtukröfur og gert út á dráttarvexti

Það er svolítið með ólíkindum hvernig sum fyrirtæki senda frá sér innheimtukröfur til viðskiptavina sinna, dæmi: Þekkt fyrirtæki í olíu-

Þessi höfnuðu kjarabótum til aldraðra og öryrkja

Myndin er fengin af Facebook. Á henni má líta þá þingmenn og ráðherra sem höfnuðu að öryrkjar og aldraðir fengju

Vor í lofti á Austurlandi

Það urðu snögg umskipti í veðrinu hér um daginn. Allt að 80 cm jafnfallinn snjór einn morguninn. Síða rigndi í

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.