Sinubrunar í Fjarðabyggð
Nokkuð mikið var um sinubruna í Fjarðabyggð um þessi áramót. Samkvæmt frétt á vefsvæði Austurfrétta, fór Slökkvilið Fjarðabyggðar í 15 brunaútköll frá klukkan 09:00 að morgni gamlársdags til klukkan 02:00 á nýjársnótt. Öll útköllin að undanskyldu einu, voru vegna sinuelda sem kviknað höfðu út frá brennum eða flugeldum. Haft er eftir Guðmundi H. Sigfússyni Slökkviliðsstjóra í Fjarðabyggð að í tveim tilfellum hafi litlu mátt muna að eldur kæmist í íbúðarhús og einnig hafi mikil reykmengun borist m.a. yfir hesthús.
Hestamönnum á Fáskrúðsfirði var brugðið vegna útbreiðslu sinuelda eftir að kveikt var í áramóta bálkesti staðsettum við vesturenda gamla flugvallarins. En skammt frá er hesthúsabyggð Fáskrúðsfirðinga. – Lán í óhappi var, að hestamenn höfðu beitt hrossum sínum á grasi vaxið svæði sem nær allt frá hesthúsum að bálkesti, -að undanskildri skák þar sem logaði hvað mest. Eldurinn breiddist hratt út svo kalla þurfti á slökkvilið.
Vel má hugleiða alvarleika þess að sinueldar berist að húsum og öðrum verðmætum. Ef farið er um svæðið vestan við Ljósaland og um Kirkjubóls land. Má sjá að þar er allt á kafi í sinu frá ári til árs. Beitarafnot eru takmörkuð vegna ýmissa orsaka, svo sem þeirra, -að skógrækt og hófleg hrossabeit fari ekki saman?
Tengdar greinar
Bann við nýskráningu bensín- og díselbíla árið 2030 er illa ígrundað
Jón Ólafur Halldórsson, forstjóri Olís er í fróðlegu viðtali við fréttablaðið Sám fóstra og segir hann meðal annars að bann
Er svindlað á jaðarbyggðum við sameiningu sveitarfélaga?
Enn á ný gerast sveitarstjórnamenn og excelfræðingar uppteknir af útreikningum þess efnis að sameina beri flest öll sveitarfélög í hagræðingarskyni.
Virðing Alþingis – Orðheldni – Heiðarleiki – Drengskapur.
Segja má að Alþingi sé samansett af nokkrum hópum einstaklinga sem hafa komist á þing með því að gefa kjósendum
