Sirkusinn mættur á Austurvöll

Sirkusinn mættur á Austurvöll

Eftir langt og strangt frí er ofursirkus þeirra Kötu Jak. og Bjarna Ben. ásamt sirkusstjóranum og ofurökumanninum Ása Friðriks. mættur á Austurvöll. – Þau hafa að þessu sinni skaffað sér aukafjármagn, 153 milljónir, til að greiða megi allt að þrem aðstoðarmönnum hverrar og einnar ráðherranefnu laun, og því fagna landsmenn, ekki má ganga fram af ráðherrum okkar með vinnuþrælkun.

Deginum fyrir þingsetningu var boðið upp á forsýningu á ráðherrum, þar sem landsmenn voru gladdir með nýjum bönnum og sérstökum kolefnis skattaálögum á bifreiðir þeirra á komandi árum. Þá verður landsmönnum bannað að skrá bensín- og díselbíla frá og með árinu 2030, eða með öðrum orðum, eftir 12 ár.

Bifreiðaeigendurnir þau Jón og Gunna sem eru að koma sér til og frá vinnu, eru í miklu uppáhaldi hjá stjórnvöldum, þegar kemur að skattpíningu. – Aðrir, miklu afkastameiri mengunarvaldar, svo sem flugumferð, stóriðja og skipafloti þurfa ekki að búa við hækkaðar álögur vegna kolefnisjöfnunar. Á meðfylgjandi línuriti má sjá hver mengunarhlutföllin eru eftir um hverja hópa er að ræða.

Áfram skal ofurskatta þá sem vart eiga til hnífs og skeiðar. Bjarni Benediktsson segir að ríkissjóður muni tapa 150 milljörðum króna úr ríkiskassanum ef eldri borgurum, öryrkjum og fátæku fólki verði hlíft við skattlagningu á tekjur undir 300 þúsund. – Á þessum orðum Bjarna má sjá í hendi sér hverjir það eru sem draga vagninn í þjóðfélaginu.

Og að endingu þetta; -hverslags hagkerfisómynd og krónudrusla er það, að Seðlabankinn þurfi að verja hana falli með stórfelldum gjaldeyriskaupum ef eitt vesælt flugfélag, sem er rekið á leiguvélum og með litla sem enga eiginfjárstöðu vælir yfir afkomu sinni?


Tengdar greinar

Umsagnir vegnar Fiskeldi Austfjarða á allt að 20.800 tonn í Beru- og Fáskrúðsfirði

Bæjarráð 7. janúar 2019: „Lögð fram umsögn, vegna beiðni Matvælastofnunar, um allt að 20.800 tonna framleiðslu Fiskeldis Austfjarða á laxi

Vertu á verði.is, í tjóni

ASÍ láglaunalögreglan, sem heldur utan um vefinn Vertu á verði.is virðist hafa gefist upp á hlutverki sínu við að halda

Einar Kárason rithöfundur móðgar hyskið af landsbyggðinni

Einar Kárason rithöfundu skrifar á Facebook: “Ég hef búið í nágrenni við Reykjavíkurflugvöll í áratugi og hef ekkert vondar tilfinningar

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.