Slöngur og pöddur í stórmörkuðum

Slöngur og pöddur í stórmörkuðum

 

Klaufhali i ferskju

Klaufhali í ferskju

Ekki alls fyrir löngu keyptum við hjónin öskju af vel útlítandi ferskjum í stórmarkaði hér fyrir austan. Þegar askjan var opnuð og fyrsti ávöxturinn klofinn í tvennt, kom í ljós að stór padda hafði hreiðrað um sig í kjarnanum. Sama var að segja um næsta ávöxt sem var athugaður. – Þegar þarna var komið sögu, var lystin horfin, öskjunni hent í plastpoka og bundið fyrir.

Þetta rifjast upp þegar fréttir dagsins greina frá svokölluðum “Krónuormi”, en ormur þessi á að hafa elt stúlkubarn um samnefndan stórmarkað við litla ánægju móðurinnar sem gerði innkaup sín upp í snatri og forðaði sér af staðnum með barnið.

Á myndbandi sem fylgdi fréttinni mátti sjá tæplega meters langan snák hlykkjast um gólf markaðarins við lítin fögnuð viðstaddar. Heyra mátti starfsmann banna myndatökur af fyrirbærinu og forsvarsmaður stórmarkaðarins sagði orminn einungis 20 sentimetra langan og sennilega fallið úr vasa einhvers viðskiptavina verslunarinnar.

OLYMPUS DIGITAL CAMERAÍ báðum tilvikum var gert lítið úr atvikum. í fyrra tilvikinu afsakaði verslunarstjórinn pöddurnar sem eitthvað sem fylgdi ferskum ávöxtum á mörkuðum. – Heilbrigðiseftirlit Austurlands tók í svipaðan streng.

Spurning er hvort flytja megi inn allskyns skorkvikindi og snáka ef ferskir ávextir fylgja með í pakkanum?

Myndir: Efri mynd, Klaufhali í ferskju. – Neðri mynd, Kornsnákur.


Tengdar greinar

Nú líður senn að kosningum

Í dag eru ríflega 3 mánuðir til sveitastjórnakosninga, en þær fara fram laugardaginn 26. maí 2018 – Af því tilefni

Samkvæmisleikur við Póstinn

Ég, eins og margir, fæ póst frá útlöndum. Af því tilefni berst gjarnan tilkynning frá Póstinum þar sem tilgreint er

Meira – betra – dýrara

Þegar fréttir berast, þess efnis að opinberir aðilar og fyrirtæki séu að bæta þjónustu sína, til hagsbóta fyrir neytendur. Þá

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.