Stefnir í bjarta tíma hjá eldri borgurum
Ásmundur Einar Daðason, félags- og barnamálaráðherra hefur ákveðið að fjárfesta í frímerki á sendibréf til allra sveitarfélaga landsins. Innihald bréfs þessa er hvatning ráðherrans til sveitarfélaganna að sækja um þar til gerðan styrk upp á sextán hundruð krónur á hvern eldri borgara, 67 ára og eldri, svo efla megi starfsemi og þjónustu við þennan aldurshóp. – „Það er staðreynd að viðkvæmir hópar verða fyrir hvað mestum áhrifum af Covid-19 faraldrinum og margir hafa upplifað mikla félagslega einangrun í faraldrinum. Það er mikilvægt að sporna gegn því með því að bjóða upp á frístundaiðkun, geðrækt og hreyfingu meðal annars og ég hvet sveitarfélögin til að efla félagsstarf fullorðinna enn frekar í sumar,“ er haft eftir Ásmundi Einari á vef stjórnarráðsins. Sjá frétt RÚV.is https://www.ruv.is/frett/2020/05/25/75-milljonir-i-ad-efla-felagsstarf-eldri-borgara
Tengdar greinar
Breyttir opnunartímar á ruslagámasvæðinu í Fáskrúðsfirði
Frá og með 9. mars er ruslagámavöllurinn á Fáskrúðsfirði opinn á mánudögum og miðvikudögum frá kl. 15:00 – 18:00, einnig
Tilboð Kjörbúðarinnar
Kjörbúðin hyggst hætta útgáfu prentaðs tilboðsbæklings og býður viðskiptavinum sínum hér eftir að skrá sig á póstlista á vefsvæðinu kjörbúðin.is,
Svisslenskur bakarameistari?
Svisslendingar eru snjallir í ostagerð, og eru frægir fyrir sérstaklega götótta osta sem þykja lostæti. – Nú virðist sem bakarar
