Þriðja Kjörbúðin opnar í Fjarðabyggð

Þriðja Kjörbúðin opnar í Fjarðabyggð

Föstudaginn 10. febrúar sl. opnaði Kjörbúð í Neskaupstað. Þar áður hafði Kjörbúð verið opnuð í Fáskrúðsfirði og önnur í Eskifirði. – Verslanirnar voru áður undir merkjum Samkaupa Strax, en við þessa breytingu eru þær undir nafni Kjörbúðarinnar.

Stjórnendur Kjörbúðanna fylgja búðunum úr hlaði og segja
“Að undangenginni mikilli vinnu og framkvæmd kannana verður Samkaups verslunum víða um land breytt á komandi mánuðum og munu mynda nýja keðju sem heitir Kjörbúðin! Ráðist var í umfangsmikla viðhorfskönnun meðal viðskiptavina Samkaupa um land allt. Byggt á niðurstöðum úr í kringum 4000 svörum könnunar hefur ný verslunarkeðja verið hönnuð út frá þörfum og óskum viðskiptavina okkar. Kjörbúðinni er ætlað að þjónusta bæjarbúa með því að bjóða gott úrval, lágt verð og ferskar vörur á hverjum stað. Með því vill Samkaup gera viðskiptavinum sínum um allt land kleift að versla daglega allar helstu nauðsynjavörur á samkeppnishæfu verði.” Tilvitnun lokið.

Vindhögg í viðskiptum
Sem viðskiptavini þykir mér breytingin svolítið vindhögg. Rekkar í versluninni hér á Fáskrúðsfirði voru færðir til og boðið var upp á heit brauð og kökur í einu horninu og nafninu breytt úr Samkaup Strax, í Kjörbúðin og opnunartími lengdur.

Til að undirstrika hversu góð breytingin á að vera, sendir fyrirtækið bæjarbúum A-4 tilboðsblað fyrir helgar og býður upp á betri verð á sérvöldum 10-15 vörutegundum í þrjá daga, frá föstudegi til sunnudags kvölds. – Á mánudegi eru verðin svo hækkuð aftur upp í sömu gömlu góðu “Samkaups Strax” verðin, -sem í daglegu tali eru okurverð. – Annað, vörur sem jafnan kosta 500-1000 krónur í lágvöruverslunum á austfjörðum, -eru jafnan eitt- til tvöhundruð krónum dýrari hjá Kjörbúðinni. – Ég vil að endingu nefna að starfsfólk Kjörbúðarinnar hér í Fáskrúðsfirði er til fyrirmyndar í alla staði.


Tengdar greinar

Þórhildur Sunna Ævarsdóttir um heiðarleika, virðingu, réttlæti og jafnrétti

Herra forseti. Kæra landsfólk. Heiðarleiki, virðing, réttlæti, jafnrétti — þetta eru þau skýru, sameiginlegu grunngildi sem yfir 1.200 manneskjur sammæltust

Er alþingissveppurinn eða bróðir hans fundinn?

Það er einhvern veginn svona sem gerist þegar vitsmunalíf alþingmanna þornar upp við langar slímsetur á þingi. – Þeir gleyma

Vigdís Hauksdóttir og Landsspítalinn – Myndbönd

Þingflokksformenn minnihlutans á alþingi harma framgöngu Vigdísar Hauksdóttur í málefnum Landsspítalans. Sjá myndbönd: Frétt um málefnið Umræða á alþingi

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.