Útsölugrín

by Arndís / Gunnar | 24/08/2017 23:39

Við skruppum á Egilsstaði í gærdag og nutum góða veðursins. Í einni af fataverslunum staðarins gengum við niður Í einhvers konar útsölukjallara þar sem á slá hékk stakur herrajakki að andvirði 50 þúsund krónur en þar sem um útsölu var að ræða fékkst jakkinn góði með 50 prósenta afslætti eða 25 þúsund krónur.

Stundum finnst manni að kaupmenn séu að grínast í okkur neytendum með verðlagningu á vörum sínum. Þeir séu að athuga hvort við föllum fyrir 50 þúsund króna stökum jakka, þar sem eitthvað “merki” er saumað í hann, ef það virkar ekki, þá geti þeir svosem boðið okkur 25 þúsund króna stórafslátt og við sátt. – Við fórum samt jakkalaus heim, föttuðum grínið. 🙂

Source URL: https://aust.is/utsolugrin/