Veiðifélag Breiðdælinga mótmælir harðlega áformum um fiskeldi í Stöðvarfirði

Veiðifélag Breiðdælinga mótmælir harðlega áformum um fiskeldi í Stöðvarfirði
Stöðvarfjörður – Lambafell í baksýn – https://commons.wikimedia.org/wiki/Category:Images_by_Gerd_Eichmann

Þann 17. ágúst sl var tekin fyrir í bæjarráði Fjarðabyggðar, ályktun Veiðifélags Breiðdælinga er varðar fyrirætlanir um fiskeldi í Stöðvarfirði Sveitarfélagið hefur þegar sent inn athugasemdir vegna fyrirhugaðs laxeldis í Stöðvarfirði. Erindi Veiðifélagsins var lagt fram til kynningar.

Stjórn Veiðifélags Breiðdælinga mótmælir harðlega öllum fyrirætlunum um fiskeldi í Stöðvarfirði. – Hafrannsóknarstofnun sagði í fyrsta áhættumati sínu að laxeldi væri óásættanlegt í Stöðvarfirði vegna nálægðar við Breiðdalsá. Engar rannsóknir eða vísindi staðfesta breytingar á þessu mati og krefst Veiðifélagið að Hafrannsóknarastofnun standi við orð sín.

Veiðifélag Breiðdæla lýsir yfir fullri ábyrgð á hendur opinberra stofnanna, sem standa að leyfisveitingum (Skipulagsstofnun), gagnvart öllum þeim skaða sem eldið mun valda á lífríki Breiðdalsár og hagsmunum landeigenda. Því skorar Veiðifélag Breiðdæla á bæjarstjórn Fjarðarbyggðar að beita öllum ráðum til að vernda lífríki Breiðdalsár sem stafar ógn af fyrirhuguðu laxeldi í opnum sjókvíum í Stöðvarfirði.

Ályktun: Vegna fyrirhugaðs 7.000 tonna laxeldi í Stöðvarfirði í opnum sjókvíum – Vegna nálægðar við Breiðdalsá
Stjórn Veiðifélags Breiðdæla skorar á Bæjarstjórn Fjarðarbyggðar að beita sér fyrir friðun Stöðvarfjarðar fyrir laxeldi í opnum sjókvíum. Dæmin sýna að erfðablöndun verður á villtum laxastofnum og eldislaxi þegar laxeldi í opnum sjókvíum er í námunda við hryggningasvæði viltra laxastofna. Rannsóknir Hafrannsóknarstofnunar sýna að erfðamengi laxastofns Breiðdalsár er ekki að finna í öðrum laxveiðiám og því sérstakur. Okkur sem samfélag ber að vernda þennan einstaka stofn því ekki verður aftur snúið ef erfðablöndun á sér stað við norskan eldislax. Því ítrekar Stjórn Veiðifélags Breiðdæla að Bæjarstjórn Fjarðarbyggðar beiti sér fyrir því ekki verði heimilað laxeldi í opnum sjókvíum í Stöðvarfirði. – F.h. stjórnar Veiðifélags Breiðdæla, Sigurður Max Jónsson, Skjöldólfsstöðum


Tengdar greinar

Eru samningsaðilar að semja um verðtryggð laun?

Það er auðvitað fáránlegt og nánast tilgangslaust að semja um óverðtryggð launakjör við þær aðstæður að húsnæðislán eru verðtryggð, ásamt

Skemmtileg myndbönd af páfagaukum

Páfagaukur matar hund í mesta bróðerni Páfagaukur sem elskar Elvis Presley

Er íslenskan ekki nothæf lengur?

Við gistum á íslensku sveitahóteli um liðna helgi. Þjónustan og aðbúnaður var til fyrirmyndar, -en Það vakti furðu okkar að

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.